喺競爭激烈嘅就業市場，淨係得份CV又點夠呢！你需要建立一個強勁嘅個人品牌,令自己喺一眾求職者中突圍而出。其中一個提升效率嘅方法，就係喺保留個人風格同個性嘅前題下，利用AI同其他先進科技作為輔助工具。一齊睇吓點樣運用AI提升求職效率同表現，等你輕鬆攞到offer！
網上形象=現代版CV
喺社交媒體盛行嘅年代，你嘅網上形象其實就好似另一版本嘅CV，僱主或人力資源部門多數會透過網上形象認識你，審視你係咪適合公司嘅人才。所以，你要確保網上嘅你睇落精煉、專業，突顯到畀潛在僱主睇你嘅技能、經驗同個性。
AI工具例如 Lumen5 同 Animoto，可以幫你輕鬆製作高質素嘅視覺內容，包括吸引眼球嘅短片、圖像同社交媒體帖文。以美觀嘅內容展示你嘅項目、興趣同成就，再加上你獨有嘅風格同觀點，一定吸引到僱主嘅注意。
另外, Jasper 同 Copy.ai 等嘅 AI 文字輔助工具亦都可以幫你撰寫出色嘅自述、求職信同其他書面材料。你可以參考AI生成嘅內容，再編輯並加上個人風格，編寫突顯個人價值嘅求職內容。
構建個人品牌要點：統一風格同資訊
準備好矚目嘅視覺內容同求職優秀嘅內容內容，咁之後要點？構建有效嘅個人品牌嘅關鍵就係貫徹一致。你需要喺所有網上平台維持一致嘅外觀、感覺同訊息。
Brandmark.io同Tailor Brands等工具可以幫到你創建專業嘅標誌、顏色同整體視覺識別，當然，最後你要把關，審視整體風格符唔符合個人形象。
之後，你可以運用Buffer或Hootsuite等排程工具喺社交媒體規劃同發布一致嘅內容。記住，你要喺維持統一形象同注入個人風格中取得平衡。
結交人脈及對外聯絡: AI幫到你
當你建立好個人品牌，咁就係時候連繫潛在僱主同行業專才啦！如果你唔知點樣開口，AI可以喺呢個過程中輔助你。
Seamless.ai 同 Dux-Soup 可以幫到你喺 LinkedIn 度搵到合適人脈建立聯繫。呢啲 AI 輔助工具可以掃描個人資料、識別出理想對象，仲可以提供個人化嘅聯絡信息幫你留下好嘅第一印像。謹記，你要進一步調整呢啲信息，確保佢哋真實反映你嘅個性同目標。
當你同聯繫對象溝通嘅時候，AI寫作助手可以為你草擬一個展現你專業知識同熱誠嘅信息，避免聽落太過營銷式或普通。當然，你應自行調整信息內容，以真摯嘅方式展現你嘅專業知識同熱誠。
將AI視為輔助而非替代品
喺求職過程中，AI係你可靠嘅夥伴，但絕對不能取代你嘅個人風格。AI寫作助手可以幫到你喺履歷同自我介紹信入面強調相關經驗同構建吸引人嘅論述，但你需要檢視同作出適當修改生,確保文件準確反映你獨一無二嘅經驗同成就。
BigInterview同Interview等AI培訓工具亦可以幫到你練習面試，但最後成功與否，都要視乎你能否喺面試時自信咁表達。
個人品牌嘅目標係以最好嘅方式展現你真我風格。透過審慎地運用AI,同時貫徹你個人風格,你就可以締造一個內實扎實、一致有序嘅網上形象,喺潛在僱主面前脫穎而出！