收到面試機會嗰下好開心，然後諗到要面試就覺得好大壓力，好焦慮？小編作為過來人絕對明白！呢篇文章會分享幾個克服面試焦慮嘅心得，等你可以自信滿滿咁喺面試中發揮，大放異彩！🌟
資料蒐集同做足準備
點解我哋會怕面試？因為面試往往充滿未知，我哋唔知道面試官會問咩問題亦唔清楚佢哋嘅衡量準則。所以，要克服面試焦慮，
就應做足準備，掌握充足資料同知識，減低面試嘅不確定性，咁面試時就會更有底氣。
首先，你應該深入了解你將會面試嘅公司。透過公司嘅網站、社交平台、新聞稿同相關新聞，了解佢哋嘅價值觀、使命以及業務。上述嘅準備除咗能令你喺面試中做得更好，仲可以了解該公司係咪符合你嘅價值觀同目標🎯。
除咗了解公司之外，你仲應該研究你申請嘅職位。仔細閱讀職責、所需技能同資歷，然後諗吓自己嘅經歷點樣符合職位要求，並列出具體例子。準備簡潔有力嘅答案，突出您相關嘅技能、經驗同成就，咁就可以喺候選人中脫穎而出。
此外，嘗試同該公司嘅現任或前任員工聯繫。建立職業網絡可以令你得到有關公司嘅第一手資訊，包括文化、面試過程以及公司對員工嘅態度等。與業界專業人士聯繫仲可以擴大你嘅人脈網絡，仲可能帶來其他工作機會。
練習，練習，再練習！
熟習常見嘅面試問題，並準備簡潔而深刻嘅答案（面試官通常已經問過同一條問題千百篇，所以你最好準備一個獨特嘅見解，喺千篇一律嘅答案中突圍而出）。你可以模擬真實情況，同朋友或求職顧問進行模擬面試，包括不同情景嘅角色扮演，並練習答問題時保持眼神接觸同自信心。叫你嘅伙伴對你嘅回答、肢體語言同整體表現提供建設性意見並從而改善你嘅表現。
建立信心
你得嘅！💪🏻自信係克服面試焦慮嘅秘密武器。注眼於你嘅優勢同成就，欣賞自己嘅學術成就、實習經驗、志願工作或任何展示你技能嘅經歷。緊記你嘅才能同你能為公司帶來嘅獨特價值。🌟
正面嘅自我對話好重要！💬用肯定嘅語言取代負面想法，例如「我充分準備，我完全符合呢份工作嘅資格」；「我有足夠嘅技能同知識嚟應對呢個面試」。花時間想像自己成功通過面試嘅畫面——呢個係一種減輕焦慮、增加自信嘅強大技巧（仲分分鐘令你想像嘅畫面成真）。🌈
人靠衣裝
道理好簡單：着得靚就自然有自信✨
營造專業形象，確保你嘅衣着符合公司文化。注意自己嘅打扮、選擇合適嘅配飾，以及細想你想留低一個點樣嘅印象。想知具體應該點做？睇呢篇文章，了解更多關於面試穿搭嘅資訊！
面試焦慮非常常見，唔好因而失去自信都唔好令佢阻礙你嘅表現。遵循以上嘅建議，你將具備充足嘅能力克服面試焦慮，向潛在雇主展示出最好嘅自己。擁抱呢次學習同成長嘅機會，祝你好運！🌟🍀