喺今時今日嘅數碼世界，網上求職已經成為畢業生尋找就業機會嘅常態。依家上網方便又容易，求職者可以安坐家中喺舒適環境搵工。但係，網上求職競爭激烈，畢業生一定要掌握網上求職技巧先可以突圍而出。喺文中，我哋會分享5個tips，助畢業生有效地應對網上求職過程。
善用社交媒體建立個人品牌
開始搵工之前，你要先係網上建立一個專業嘅個人檔案。你可以喺LinkedIn開設一個帳戶分，享你嘅學歷、專業技能同埋經驗，仲可以同業界嘅專業人士連繫，參與相關嘅討論。你亦可以考慮建立一個個人網站或者網上作品集，展示你嘅工作同成就。一個印象深刻嘅網上形象可以大大提高你被潛在僱主注意到嘅機會。
度身訂造你嘅履歷同求職信
好多畢業生求職嘅一個常見錯誤就係通用同一份CV同求職信。其實，你需要因應不同職位嘅要求同埋公司文化度身訂造你嘅求職資料。你要深入研究該公司，了解佢嘅價值觀同埋使命，清楚列出同職位相關嘅技能同埋經驗。一份度身訂造嘅CV可以俾僱主知道你花咗時間同誠意去了解公司嘅需求，大大提升你脫穎而出嘅機會。
注意關鍵詞
好多公司會使用求職者追蹤系統 (ATS) 嚟篩選履歷。要增加你通過呢啲系統嘅機會，你就要喺履歷同求職信入面加入關鍵詞。落筆前應仔細閱讀職位描述，所需資歷、技能同埋行業關鍵詞。然後對比自己嘅學歷同埋經驗，再喺你嘅履歷加入應徵職位嘅關鍵詞，有助於提高你被入選下一輪面試嘅機會。
展示個人成就
網上求職千祈唔好收收埋埋，要大方咁展示你嘅成就，令潛在僱主刮目相看。你可以列出具體嘅項目、實習經驗或者學術成就，去說明你嘅技能同貢獻，亦可以用數字展示你嘅工作成就。應徵者如果可以為公司帶嚟更好業績，一定會喺僱主心目中加分。所以你要自信地展示你達成目標嘅決心同解決問題嘅能力。讓你嘅成就成為你嘅代名詞，喺僱主心中留下深刻嘅印象！
建立人際網絡同搵推薦人
雖然網上申請流程大多標準化，但唔好低估建立人際網絡同有推薦人嘅重要性。除咗填表同網上遞交履歷之外，同專業人士建立有意義嘅聯繫都好重要！你可以透過LinkedIn或者行業活動同你理想嘅行業專業人士聯繫，或者參加虛擬職業博覽會同招聘人員建立人脈。記住，同人social唔使咁緊張或者拘謹，友善啲，做自己，然後你會發現機會真係多到你唔信！
我仲有個超重要嘅tips：記住訂閱GradConnection，了解更多職場活動、工作機會同行業發展嘅最新消息。我哋會定時更新資訊，幫助你保持聯繫同充分擴闊你嘅人際網絡。
-----
恭喜你踏出網上求職嘅第一步！有咗呢篇文章分享嘅技巧，你已經準備好喺數碼世界中尋找夢想工作同提高成功機會。記住要喺網上建立一個印象深刻嘅個人檔案，度身訂造你嘅求職材料並加入關鍵字，放膽展示你嘅成就。以友善嘅態度去建立人脈，同埋善用資源（如訂閱GradConnection去了解最新求職資訊），以上建議都係求職成功嘅關鍵所在。