求職失敗後點樣調整心態？
求職過程最令人沮喪嘅事情莫過於滿懷期待咁打開你嘅電子郵箱，結果收到心儀公司「未能取錄」嘅通知。根據Grad Hero Hub同AAGE嘅統計數據，喺所有Grad Job申請候選人中，只有3%最終攞到offer。 求職失敗覺得好氣餒？正常嘅！但調整心態同反思求職過程面對嘅嘅挑戰都好緊要，咁樣你先可以喺下次求職時做得更好！ 下文就會同大家分享吓面對求職失敗嘅對策！
1. 反思
不論你係今個星期第一次定係第五次面試，喺第一輪定最後一輪評估時被淘汰——你都要話畀自己知： 辛苦啦！你已經盡力了！求職是一個重複又無情嘅過程，所以無論你去到邊一個階段止步，都要容許自己花上一啲時間恢復。 咁啱回應得唔好或者遇上唔識答嘅問題？咁嘅情況好常見！
只要將每一次面試都視為一個學習機會，了解自己需要點樣改善，咁你嘅求職技能就會隨時間推移幫漸漸進步。
2. 接受回饋
鼓起勇氣聯繫面試官尋求回饋啦！喺多數情況下，招聘人員都好樂意提供幫助，甚至可能睇好你嘅積極主動，未來畀機會你呢個有前途嘅畢業生！為未來嘅任何機會做好準備。 一旦你收到回饋，記住要虛心接受。 不論係你嘅簡歷抑或求職信有待改善，抑或係你面試嘅時候太緊張，根據招聘人員嘅意見慢慢改進啦！
3. 未必係你嘅問題
不論係你搵工定係工搵你，有時過程中就會發現：好似真係唔係咁夾喎〜唔緊要！ 喺挑選候選人時，公司嘅決定都會受到好多因素影響——你可能只係喺錯誤嘅時間出現喺錯誤嘅地方，或其他原因，例如：
- 公司因預算問題要擱置聘請
- 內部團隊重組填補職位空缺
- 市場飽和
4. 求職失敗只係你路上嘅一點小波折，唔係職涯嘅終點！
你攞唔到offer並不意味着你同嗰家公司嘅緣份就結束！ 如果你真係熱衷於進入某家特定公司，你可以通過不同嘅方式加入佢哋，例如兩三年後再應聘更高級嘅職位。 將你嘅時間花喺另一家公司上賺取技能同經驗，當你再應聘時，可能就已經足以喺激烈嘅競爭中獲得優勢！
-----
通往終點嘅道路可能係崎嶇不平嘅——但只要積極面對，累積見解同經驗，你就可以更有自信咁迎接下一次面試！